Nakit-an na ang 16-anyos nga estudyante nga nalumos sa suba sang Oktubre 20 sa Brgy. Caranas, Janiuay, Iloilo, apang wala na sang kabuhi.
Ang nalumos amo si Francis Rivera Jr.,16-anyos, residente sang Brgy. Damo-ong Janiuay, Iloilo.
Nakit-an ang bangkay sini sa Brgy. Tolarucan, Janiuay, Iloilo, ginabanta 300 metros ang kalayuon sa diin ini nalumos.
Ipaidalom sa autopsy sang pamilya sang 16-anyos nga nalumos-patay ang ila himata matapos nakitaan sang gina-alegar agi sang sumbag sa bibig sini.
Sa interview sang Bombo Radyo kay Police Captain Hector Ayagan, hepe sang Janiuay Municipal Police Station, iya ginpahayag nga masobra na 24-oras bag-o nakit-an ang lawas sang menor de edad, 300 metros ang kalayuon sa diin ini nalumos.
Suno kay Ayagan nga nagahabok na ang lawas sang menor de edad kag ginapatihan may agi sang sumbag sa iya bibig sang nakit-an ini.
Dugang pa sang natungdan nga nagparequest na ang pamilya sang autopsy sa pagpati nga posible may foul play nga natabu.
