Nakuhaan sang malapit tunga sa milyon nga balor sang ginapatihan shabu ang gina-alegar anay miyembro kag gitarista sang Binhi Band sa Brgy. Calumpang, Molo, Iloilo City.
Ang mga nadakpan amo sanday Clarence Demaisip, vocalist,57-anyos, sang nasambit nga brgy., dakop man si Rodney Bernadas, gitarista,62-anyos, sang Jaro, Iloilo City.
Sa interview sang Bombo Radyo kay Police Captain Ryan Christ Inot, hepe sang Molo Municipal Police Station, iya ginpahayag nga nga kalabanan sa mga parokyano amo ang mga nagabanda man nga ginapatihan nagagamit sang shabu para ma “power up” sa ila pulawanay nga performance.
Suno kay Inot nga narecover ang ginabanta 62 grams nga kabug-aton sang ginapasuni shabu nga may standard drug price nga P421,600.
Dugang pa sang natungdan nga aktibo pa nga nagatukar ang vocalista sa nasambit nga banda upod man ang gitarista sini.
