Agaw-eksena ang tiglawas sang Pilipinas nga si CJ Opiaza sa preliminary competition sang Miss Grand International pageant sa Thailand.
Sa swimsuit round, ginpainit sini ang stage paagi sa iya fit and sexy body suksok ang iya golden swimsuit nga gin-updan pa sang iya perfect pasarela.
Sa evening gown competition naman, napa-wow ang mga tumalan-aw sa suksok niya nga Ryan Ablaza Uson piece nga inspired sang “the elegance of the Pagoda Thai Temple and of the Thai Talisman Icon”.
Ang koronasyon sang Miss Grand International 2024 nga amo ang 12th edition sang pageant ang natalana sa Oktubre 25 sa MGI Hall, Bravo BKK Mall, Bangkok, Thailand.
69 ka mga contestants ang magapaindis-indis para sa korona.
Kun mangin mapalaron, si Opiaza ang mangin pinakauna nga Pinay nga magadaug sang amo nga titulo.
