ILOILO -Ginbatak sang Iloilo Provincial Disaster Risk Reduction and Management Office sa “blue” ang alert status sang probinsya kasunod sang pagpaidalom sa Iloilo sa Signal #1 bangud sa Bagyo Kristine.
Sa interview sang Bombo Radyo kay Ret. PCol. Cornelio Salinas, head sang PDRRMO, iya ginpahayag nga sa idalom sang nasambit nga alert status, naka-standby ang Emergency Responders of Iloilo (e-ROI) kag mga municipal responders nga handa magbulig sa tion sang emerhensya.
Suno kay Salinas, padayon ang komunikasyon sa mga ahensya sang gobyerno agud ma-monitor man ang sitwasyon sang mga dalan, taytay kag water level sa probinsya sang Iloilo.
Nahibaluan nga nagpatigayon sang emergency meeting ang Iloilo Provincial Government kaupod ang mga myembro sang Provincial Civil Defe nse Cluster, representatives sang PDRRMO, Provincial Planning and Development Office, Provincial Social Welfare and Development Office kag iban pa nga government offices.
Katuyuan sang pagsinapol amo nga masiguro ang kahandaan sang tanan nga government units, pagpatuman sang disaster response measures kag pagsiguro nga safe ang mga pumuluyo gikan sa epekto sang nasambit nga bagyo.
