Ginalauman sang Land Transportation Franchising and Regulatory Board (LTFRB) nga 10,000 ka mga operator kag mga drayber ang posible mag-upod sa Public Transport Modernization Program (PTMP) sang gobyerno pagkatapos nga ang applications for consolidation ang ginbuksan liwat sang nagligad nga Oktubre 15.
Suno kay LTFRB chairperson Teofilo Guadiz III, ginalauman nga 7% tubtob 8% nga target ukon 10,000 ka mga operator kag mga drayber nga maga-upod sa kooperatiba.
Dugang pa niya nga kapin sa 700 ka mga public utility vehicles ang nag-upod sa PTMP halin sang ginbuksan liwat ang mga aplikasyon sa consolidation.
Ang mga operator kag mga drayber sang public utility vehicle (PUV) mahimo mag-aplay para sa consolidation tubtob Nobyembre 29.
Nahibaluan nga 22 sa 23 ka mga senador ang nagpirma sang Senate Resolution 1096 nga nagahingyo sa gobyerno nga temporaryo nga suspendihon ang PUV Modernization Program ukon PUVMP.
