Iga-donar sa mga biktima ni Bagyo Kristine ang kita sang Philippine Basketball Association (PBA) sa Game 1 sang 2024 Governors’ Cup Finals.
Ini ang gin-anunsyo nanday league chairman Ricky Vargas kag vice chairman Alfrancis Chua sa press conference sang championship series sa Enderun Colleges sa Taguig City, Oktubre 24.
“Nag-usap kami ni commissioner [Willie Marcial], chairman [Ricky Vargas], we decided ‘yung Sunday’s game, ‘yung proceeds no’n lahat ido-donate namin. Lahat ‘yon,” suno kay Chua.
“Nandito tayo, preparing for Sunday’s game. And them, they’re there preparing kung may matitirhan sila or makakain pa. Ipagdasal natin sila. Kung sino pang gustong tumulong, nananawagan po ako na tulungan natin ang ating mga kapatid,” dugang sini.
Natalana sa Domingo sang gab-i, Oktubre 27, ang Game 1 sa Ynares Center sa Antipolo.
Tuyo sang defending champion nga TNT nga madepensahan ang ila trono nga target naman agawon sang Gin Kings.
Rematch ini sa tunga sang duha ka teams nga pangunahan man gihapon sang reigning Best Import Rondae Hollis-Jefferson sang Tropang Giga kag Justin Brownlee sang Ginebra.
Nahibaluan nga antes ang kampyonato sang Tropang Giga sang nagligad nga conference, sanday Brownlee ang nagauyat sang korona sang 2016, 2017, 2019, kag 2021.
