WESTERN VISAYAS – Naglab-ot sa 161,283 ka mga indibidwal ukon 38,659 families sa Western Visayas ang naapektuhan sang bagyo Kristine.
Santu sa data sang Department of Social Welfare and Development Region 6, ang mga apektado naman nga lugar amo ang Aklan, Capiz, Antique, Iloilo City kag Province, Bacolod City kag Negros Occidental.
Sa mga nasambit nga mga lugar, 458 ang apektado nga mga barangay.
May yara naman sang 4,633 ka mga indibidwal ang nagapabilin subong sa mga evacuation centers samtang 3,514 naman ang nagatinir sa ila mga abyan ukon himata.
Sa numero sang mga nagkalaguba nga balay, naglab-ot ini sa 1,446 sa diin 124 ang totally damaged kag 1,322 ang partially damaged.
Nakahatag naman ang DSWD 6 sang P7,178,422.90 nga ayuda ukon kabug-usan nga P8,424,119.50 halin sa nasambit nga ahensya kag sa mga Local Government Units.
Sa subong, may yara pa sang nabilin nga P144,189,699.01 relief resources ang DSWD 6.
