Temporaryo nga ginpahamtang sa evacuation center sang Barangay Ortiz, Iloilo City Proper ang pila ka ila mga residente bangud man sa malain nga tyempo.
Sa interview sang Bombo Radyo kay Punong Barangay Shiela Doza, iya ginpahayag nga may yara sang 108 ka mga indibdiwal nga ginakabug-usan san 31 ka mga pamilya ang apektado sang mataas nga paghampak sang balod.
Suno kay Doza, kalabanan sa mga residente ang nagapuyo sa coastal areas sang ila barangay samtang ang iban ang naga-istar malapit sa wharf.
Ginpahayag man sini nga bangud man sa kakusog sang hangin, naguba ang ila mga puluy-an ilabi na ang mga atop sang ila balay.
Gin-force evacuate naman ang mga pumuluyo agud nga makalikaw sa posible halit nga dala sang mabaskog nga balod.
