Padayon nga gina-antos sang mga pumuluyo kag motorista sang Barangay Sinikway, Lapuz, Iloilo City ang madasig nga pagsaka sang tubig-baha bangud sa ginakay-o nga drainage sa lugar.
Sa interview sang Bombo Radyo kay Punong Barangay Felix Ventura, iya ginpahayag nga kon magbaha sa ila lugar, ang tubig-baha ang nagaderetso sa drainage nga ginakay-o apang, kon magtaob naman ang baybayon, wala naga-subside ang tubig.
Suno kay Ventura, subong nga kaangay nga malain ang tyempo, ang tubig-dagat pa ang nagasulod sa ila kon buksan ang drainage.
Ginalantaw man sini nga kon maubrahan sang drainage ang Budburan Creek, nagapati ini nga malikawan ang pagdasig nga pagtaas sang baha sa ila lugar.
Isa man sa makit-an sang natungdan nga kon tayuyon gani ang pag-inulan-ulan sa ila barangay, masami nga madasig man magsaka ang baha.
