Indi matupungan ang kalipay nga nabatyagan sang isa ka kapitan sang fiber boat nga nagabyahe Guimaras to Iloilo vice versa matapos nga nagbalik na ang byahe.
Sa interview sang Bombo Radyo kay Felix Gajo, kapitan sang isa ka fiber boat, iya ginpahayag nga mas maayo na nga nagbalik ang byahe bangud bisan papaano mahimo nga makabenta sila.
Suno kay Gajo, tuman ang ila nga nangin pinetensya sang nagligad nga mga inadlaw bangud man sa pagkansela sang byahe sang mga sakayan bangud sa Bagyo Kristine.
Ginpahayag man sang natungdan nga makabulig gid sa iya galastuhon sa pamilya ang pagbalik sang byahe.
Wala naman nakapauli si Gajo sa sulod sang duha ka adlaw nga wala sang byahe bangud man sa malain nga tyempo kag agud nga makahingalit sa pagbalik sang byahe.
