Matapos ang anum ka bulan nga wala sang kumpetisyon, balik na sa paghampang ang Philippine women’s national football team nga Filipinas.
Nakuha sini ang matam-is nga kadalag-an batok sa Jordan, 3-0, sa Pink Ladies Week 2024 sa Antalya, Türkiye kagab-i (Philippine time).
Ang forward nga si Sarina Bolden nga bag-o lang nagsaylo sa lain nga club sa Italian Serie A amo ang naghatag sang imbukada nga puntos sa Filipinas paagi sa header sa second minute sang match kag nahimo nga brace ukon duha ka goals sa second half.
Matinlo man ang rekord sang 39th-ranked Filipinas paagi sa pag-save ni Olivia McDaniel sa second half apisar nga nabatyagan man ang pressure halin sa world No. 74 nga Jordan.
Madamo man sang balantayan nga bag-o nga players sa team kaangay sa 24-anyos nga si Janae DeFazio nga nag-assist kay Bolden sa second minute sang match.
Wala naka-hat trick ang 28-anyos nga si Bolden bangud nagpa-sub na ini tatlo ka minutos matapos nahatag ang iya ikaduha nga goal.
Ang isa pa ka nakahatag sang score sa Pilipinas amo si Katrina Guillou paagi sa penalty.
Patigayunon ang Pink Ladies Week tubtub sa Oktubre 30 kun sa diin sunod nga atubangon sang Filipinas ang Kenya sa amo gihapon nga venue.
