Naglab-ot na sa P1.69 billon ang kahalitan nga natuga ni Severe Tropical Storm Kristine.
Suno sa Department of Agriculture ang mga apektado nga lugar amo ang Cordillera Administrative Region, Ilocos Region, Central Luzon, Calabarzon, MIMAROPA, Bicol Region, Western and Eastern Visayas, kag SOCCSKSARGEN.
Si Bagyo Kristine nakaapekto sa 42,346 ka mga mangunguma kag 37,590 ka ektarya sang mga lugar nga pang-agrikultura, nga may kadamuon sang production loss nga 108,266 metric tons (MT).
Suno sa DA, ang kalabanan nga kapierdihan sa agrikultura amo ang bugas nga naglab-ot sa 104,198 MT.
Ang kahalitan kag kapierdihan ang na-report man sa mais, kamoteng kahoy, high valued crops, kasapatan kag manok, kag mga pasilidad sa agrikultura.
Nagpasalig naman ang DA nga P531.72 million nga balor sang agricultural inputs ang available agud ipanagtag sa mga apektado nga mangunguma.
