Naglab-ot na sa 85,367 ka mga pamilya ang naapektohan sang halit nga dala ni Bagyo Kristine sa Western Visayas.
Sa interview sang Bombo Radyo kay Atty. Mae Rago Castillo, spokesperson sang Department of Social Welfare and Development (DSWD) Region 6, iya ginpahayag nga ang nasambit nga numero sang mga pamilya ang ginakabug-usan sang 333,893 ka mga indibidwal.
Suno kay Castillo, lakip sa naapekohan sang bagyo amo ang probinsya sang Aklan, nga may yara sang 14,807 ka pamilya nga ginakabug-usan sang 62,960 ka mga indibidwal.
Pinakadamo naman ang Iloilo nga may nabalhag nga 39,332 ka mga pamilya nga ginkabug-usan sang 147,675 ka mga indibidwal.
Samtang 943 naman ka mga pamilya ang naapektohan sang bagyo sa Iloilo City.
Yara naman sa 4,542 ka pamilya ang naapektohan sa Bacolod City, samtang 1,893 naman nga pamilya ang apektado sa Antique.
Na-record man sang talatapan ang 458 ka pamilya nga apektado sa Capiz, samtang 330 naman ang sa isla sang Guimaras.
402 naman ka mga pamilya ang tubtob subong nagapabilin nga yara sa evacuation centers.
