Nagpasalig ang Iloilo City Traffic Management Unit (ICTMU) nga padayon ang ila nga koordinasyon sa Department of Public Works and Highways (DPWH) Region 6 kaangot sa mangin plastada sang traffic sa Ungka Flyover sa Pavia, Iloilo.
Sa interview sang Bombo Radyo kay Ret. Police Colonel Uldarico Garbanzos, Head sang Iloilo City Traffic Management Unit, iya ginpahayag nga sa subong, sige ang pagplastar nila sang equipment nga makaporma ukon makahatag sang public safety.
Suno kay Garbanzos, gina-required man sila nga magbutang sang mga early warning devices sa flyover samtang sige-sige ang pag-ubra agud nga malikawan ang aksidente kag makatuga sang huol sa mga motorista.
Gin-athag man sini nga padayon ang ila pagplastar sang mga separators sa dalan kag plano pagid ini nga dugangan.
Maga-deploy naman ang talatapan sang dugang nga traffic personnel sa flyover bwas nga adlaw ilabi na sa tion sang rush hours.
