Magapatuman sang maritime casualty investigation ang Philippine Coast Guard (PCG) Iloilo sa natabo nga pagkapan sang tugboat sa Muelle Loney, Iloilo City Proper.
Sa interview sang Bombo Radyo kay Commander Jay Terrazona, Iloilo Coastguard Commander, iya ginpahayag nga ang tikang ang may tinutuyo nga matumod ang rason sang paglugdang sang tugboat apisar nga naka-dock sa nasambit nga lugar.
Suno kay Terrazona kag santo sa data nga ila natipon, duha na ka tuig nga naka-dock sa lugar ang tugboat kag posible nga sa kadugayon sini, mahimo nga nagabok na ang sakayan.
Gilantaw man sang natungdan nga mahimo nabuslot ang tugboat rason kon ngaa nagkapan ini.
Nagbutang naman sang boom ang Maritime Environmental Protection Unit sa palibot sang Muelle Loney agud nga malikawan ang posible paglapta sang oil spill.
