Nangibabaw ang mga Ilonggo nga players nga nagabug-os sang J3 Barotac Nuevo nga nagpasakop sa Octoberfest Sports League nga ginpatigayon sa Boracay.
Gindala nila pauli ang titulo sa Beach Football.
Ang team ginabug-usan nanday Joshua Jerome Estares, Nathaniel Boblo, Arlo Salvacion, Karlo Lustan, Jefferson Descarial, June Louie Biclar, James Tuazon, Allan John Biñas, kag Jarlson Derutas.
Ang ila manager amo si Neil Jeffrey Reyes.
Matandaan nga sa Love Boracay Beach Sports Activity sa Boracay sang April 27- 28, 2024, sila man ang gindeklarar nga kampeon sa Beach Football.
