𝗜𝗟𝗢𝗜𝗟𝗢 – Nagsungka na ang suspek nga nagluthang-patay sa barangay kagawad sang San Rafael, Tigbauan, Iloilo.
Ang suspek amo si John Castro Jr., samtang ang biktima naman amo si former Punong Barangay kag subong Barangay Kagawad Jobanie Triste, lunsay residente sang Barangay San Rafael, Tigbauan, Iloilo.
Natabo ang krimen sang Oktubre 24 sa diin si Triste ang nagaserbe bilang OIC Punong Barangay sa ila lugar.
Si Castro ang nagsungka kay Anti-Squatting and Illegal Structure Unit (ASIS-U) head Mr. Love Joy Hosenilla
Sa interview sang Bombo Radyo kay Hosenilla, iya ginpahayag nga si Castro ang nagatrabaho sadto sa iya opisina rason nga sa iya ini nagpabulig nga magsungka.
Suno kay Hosenilla, personal nga nagtawag sa iya si Castro kag nagpabutyag nga magsungka sa diin gindepensa sini nga self defense lang ang natabo kasunod sang pag-away nila ni Triste.
Ginpahayag ni Hosenilla nga ginsugata niya si Castro sa Iloilo Terminal Market kag gindala sa Iloilo City Police Office (ICPO) apang wala na ini gin-detain matapos napasakaan na ini sang kaso nga murder kag wala pa sang warrant of arrest.
Diri kag ginkuhaan man sang affidavit si Castro ni Atty. Shiela Olid sa diin gin-ako sini ang krimen.
Sa subong, nagapabilin si Castro sa isa ka safe house.
