WESTERN VISAYAS – Aprubado na sang National Wages and Productivity Commission ang dugang nga sweldo para sa mga mamumugon sa pribado nga sector sa Western Visayas.
May yara sang wage increase halin P33 tubtob P40 para sa mga mamumugon nga nagatrabaho sa mga private establishments kag P1,000 naman para sa mga kabulig sa rehiyon 6.
May yara man sang dugang nga P33 para sa non-agricultural ukon ang may yara sang masobra 10 ka mga empleyado sa diin halin sa P480 nga sweldo subong, makabaton na sila sang P513 nga sweldo kada adlaw.
Samtang may dugang man nga P35 para sa non-agricultural nga may 10 ka mga empleyado panubo halin sa P450 nga swledo, makabaton na sila sang P485 nga sweldo kada adlaw.
Para naman sa mga agricultural workers, may yara sang dugang nga P40 nga sweldo halin sa P440 nga mangin P480.
Dugang nga P1,000 kada bulan naman ang sweldo sang mga kabulig halin P5,000 nga mangin P6,000.
Ang wage orders ang i-publish sa Nobyembre 1, 2024 kag mangin epektibo sa Nobyembre 17, 2024.
