𝗜𝗟𝗢𝗜𝗟𝗢 𝗖𝗜𝗧𝗬 – Nagatuga sang pagpug-ok sang salakayan ang ginkutkot nga karsada kag drainage sa JM Basa Street, Iloilo City Proper.
Sa interview sang Bombo Radyo kay Marilou Palma, sidewalk vendor, iya ginpahayag nga sa tion sang peak hours, indi malikawan nga nagaginutok ang mga salakyan sa lugar.
Suno kay Palma, isa sa mga rason amo nga halos katunga gid sang dalan sa natuo nga portion kun magpakadto sa Iloilo City Hall ang ginguba.
Apang kun indi man peak hours, wala man sang pagpug-ok sang mga salakyan.
Ang proyekto ang nag-umpisa sang Setyembre 24, 2024 kag ginalauman nga matapos sa Hulyo 13, 2025.
