Mas nagbaskog pa si Super Typhoon ukon Bagyo Leon samtang nagahulag malapit sa Batanes.
Ini ang ginalauman nga magahulag pa northwestward sa baybayon sang Extreme Northern Luzon antes mag-landfall sa eastern coast sang Taiwan karon sa hapon.
Magwa naman ini sa Philippine Area of Responsibility sa karon sa gab-i ukon bwas sa kaagahon.
Ang sentro sang Super Typhoon Leon ang ginabanta yara sa kalayuon nga 100 km East Northeast sang Itbayat, Batanes.
Dala sini ang kabaskugon sang hangin nga nagadangat sa 195 km/h malapit sa sentro kag pagmadlos nga tubtob sa 240 km/h.
Nagahulag ini pa Northwestward sa kadasigon nga 20 km/h.
Sa subong, nabatak ang Tropical cyclone wind signal no. 5 sa pila ka mga lugar sa Luzon sa diin may yara sang extreme nga pamahog sa kabuhi kag propedad.
Luzon
Northern kag eastern portions of Batanes.
Sa subong, nabatak ang Tropical cyclone wind signal no. 4 sa pila ka mga lugar sa Luzon sa diin may yara sang significant to severe nga pamahog sa kabuhi kag propedad.
Luzon
Nabilin nga bahin sang Batanes.
Sa subong, nabatak ang Tropical cyclone wind signal no. 3 sa pila ka mga lugar sa Luzon sa diin may yara sang moderate to significant nga pamahog sa kabuhi kag propedad.
Luzon
Northern portion sang Babuyan Islands.
Sa subong, nabatak ang Tropical cyclone wind signal no. 2 sa pila ka mga lugar sa Luzon sa diin may yara sang minor to moderate nga pamahog sa kabuhi kag propedad.
Luzon
Nabilin nga bahin sang Babuyan Islands, mainland Cagayan, northern portion sang Isabela, Apayao, kag Ilocos Norte.
Sa subong, nabatak ang Tropical cyclone wind signal no. 1 sa pila ka mga lugar sa Luzon sa diin may yara sang minimal to minor nga pamahog sa kabuhi kag propedad.
Luzon
Nabilin nga bahin sang Isabela, Quirino, northern kag central portions sang Nueva Vizcaya, Abra, Kalinga, Mountain Province, Ifugao, Benguet, Ilocos Sur, La Union, northern kag central portions sang Aurora.
