Ginaplano sang Iloilo City Traffic Management Unit (ICTMU) nga i-sirado ang pila ka mga dalan sa Iloilo City sa pagsugod sang Fiesta Minatay.
Sa interview sang Bombo Radyo kay Retired Police Colonel Uldarico Garbanzos, Head sang Iloilo City Traffic Management Unit, iya ginpahayag nga sa Nobyembre 1 pagsiraduhon ang Iznart Street sa City Proper padulong sa De Leon Street.
Suno kay Garbanzos, may mga option man ang talatapan nga igahatag kon sa diin, kon naghalin ang motorista sa De Leon Street, mahimo ini nga magliko sa wala nga bahin sang dalan kag magaliko pa-tuo sa tuo nga bahin.
Ginpahayag man sini nga kon ang motorista ang indi na luyag magsulod sa Maria Clara Street, pwede ini makaderetso sa Rizal Street.
Gin-athag man sang natungdan nga gin-reverse nila ang pila ka traffic scheme kon sa diin, indi na mahimo nga maagyan ang Ledesma Street.
