Dako nga bulig ang Fiesta Minatay para sa mga pintor bangud nga makakita sila sang kwarta paagi sa pagpaminta sang mga lapida.
Sa interview sang Bombo Radyo kay Leonardo Manderico, isa ka pintor, iya ginpahayag nga sa kada isa ka lapida nga ila ginapintahan, nagabalor ini sang P350 kag kon kaisa, nagadugang pa hatag ang mga customer.
Suno kay Manderico, nagadependi man sa numero sang pangalan nga nakabalhag sa lapida kon pila ang ila isukot.
Ginpahayag man sini nga kon magduha ukon tatlo ang mga pangalan, nagapadugang sila sang P50 nga bayad.
Nakadependi naman sa kadakuon sang panchon ang ila nga presyo.
Nagpasalamat man ini sa mga tuigan nga suki niya nga nagahatag sang tip.
