Nangin emosyonal ang isa ka dumala-aw subong nga Fiesta Minatay sa pagdumdom sini sang iya mga pinalangga nga nagtaliwan na.
Sa interview sang Bombo Radyo kay Annabella Albelar Galoso, iya ginpahayag nga tuigan gid siya nga nagapadulong sa patyo agud bisitahon ang iya pinalangga nga pamilya.
Suno kay Galoso, bisan nga indi Nobyembre ukon pista minatay, nagabisita gid sila agud kamustahon ang himata nila nga yara na sa pihak sang kinabuhi.
Ginpahayag man sini nga apisar nga wala na sila sa aton kalibutan, kinahanglan nga dumdomon kag hatagan sila sang importansya ilabi na sa ila nga mga maayo nga binuhatan sang sila ang nagakabuhi pa.
Ginlaragway man sini nga isa ka ‘loving mother and father’ ang iya amay kag iloy, rason nga indi gid sini malipatan.
