Nagpahanumdom ang Iloilo City Police Office (ICPO) sa publiko nga sekyaron ang balay antes maghalin kag magpadulong sa patyo subong nga Pista Minatay.
Sa interview sang Bombo Radyo kay Police Colonel Kim Legada, Director sang Iloilo City Police Office, iya ginpahayag nga patyon gid ang mga appliances ukon i-unplug sa saksakan kag siguraduhon nga naka-lock ang mga pwertahan.
Ginpahayag man sini nga dapat man siguraduhon nga wala naga-obstruct sa dalan ang ginbilin nga salakyan sa balay agud nga indi na makatuga pa sang huol sa iba.
Suno kay Legada, tubtob alas-dose lang sa tungang gab-i ang oras nga ginapahanugot sa mga magabisita sa patyo.
Magalibot man ang natungdan sa pila ka patyo sa syudad agud nga masiguro kag masekyar ang police visibility sa mga patyo.
Masobra 400 naman ka mga police personnel ang ila gin-deploy sa syudad agud mabantayan kag mapabilin nga malinong ang Pista Minatay sa Iloilo City.
