Ginkalipay ni Iloilo City Lone District Representative Julienne “Jam-jam” Baronda ang ila liwat nga pag-updanay ni Former Iloilo City Mayor Jed Patrick Mabilog subong nga Fiesta Minatay.
Sa interview sang Bombo Radyo kay Congresswoman Baronda, iya ginpahayag nga matapos ang pila ka tuig, liwat sini nakaupod ang anay alkalde ilabi na sa pagdu-aw sa mga nagtaliwan sini nga himata.
Suno kay Baronda, makita niya ang anay alkalde nga nangin ‘inspired’ liwat matapos ang pito ka tuig nga exile sa Estados Unidos.
Ginlaragway man sang mamalidha nga energetic si Mabilog sa paglibot sa syudad kag wala gid nadula ang iya pagpalangga sa Iloilo City.
Nagapati naman si Baronda nga ang tigkalalag ang tion agud nga dumdumon ang mga pinalangga naton nga yara na sa piyak nga kinabuhi.
