Ginakabig sang Miagao Disaster Risk Reduction and Management Council (MDRRMC) nga mas madamo ang mga indibidwal ang nagpadulong sa Miagao Public Cemetery subong nga tuig kon ikumpara sa nagligad nga tuig.
Sa interview sang Bombo Radyo kay Engr. Franco Carlo Monteclaro, Head sang Miagao Disaster Risk Reduction and Management Council, iya ginpahayag nga subong nga tuig, wala sang na-record ang ila talatapan sang ‘major incidents’ kadungan sang pagdumdom sang Pista Minatay.
Suno kay Monteclaro, nangin matalunsay ang dalagan sang pista minatay sa banwa bangud man sa nagprepar na sila nga daan duha ka semana antes ang kahiwatan.
Ginlimpyohan naman sang talatapan ang pila ka mga dalan nga masami ginagamit padulong sa patyo.
Ginabanta naman sang natungdan nga masobra 3,000 ka mga indibidwal ang nagpadulong kahapon nga adlaw sa patyo.
