Nagdangat na sa 123 ka mga kaso sang leptospirosis sa probinsya ang na-record sang Iloilo Provincial Health Office (PHO).
Sa interview sang Bombo Radyo kay Dr. Maria Socorro Quiñon, Head sang Iloilo Provincial Health Office, iya ginpahayag nga sa nasambit nga mga numero, yara na sa tatlo ang napatay bangud sa leptospirosis.
Suno kay Quiñon, ang may pinakamadamo nga kaso ang nabalhag sa banwa sang Oton, kon sa diin, may yara sang 10 cases.
Ginasundan ini sang Leon nga may 9 cases kag isa naman ang napatay.
Lakip man ang Tigbauan, Alimodian, kag Pavia nga may anom ka mga kaso leptospirosis.
Ginpahayag man sini nga tatlo na lang ka mga banwa sa probinsya ang wala sang kaso sang nasambit nga balatian.
Ini amo ang banwa sang Batad, Bingawan, kag San Rafael.
Nagpanugyan man ang natungdan sa publiko nga likawan ang maglusong sa mga tubig-baha kon wala sang PPE ukon Personal Protective Equipment.
