Masobra 100 ka mga indibidwal ang narekord sang Emergency Operation Center nga ila ginrespondehan bangud sa paglain sang ila matyag kadungan man sa pyesta minatay.
Sa interview sang Bombo Radyo kay Brian Rafio, Emergency Operation Staff, iya ginpahayag nga kalabanan sa mga nangin pasyente nila amo ang nagtaas ang blood pressure bangud man sa mainit nga panahon.
May yara naman sang mga nagkalalipong apang gilayon man nga ginrespondihan kag nalapatan sang pagbulong.
Suno kay Rafio, kaupod sang ila talatapan ang Philippine Red Cross Iloilo Chapter nga nagbulig sa pagresponde sa mga naglain ang pamatyag.
Naglab-ot naman sa 75 ka mga indibidwal ang narekord sang Philippine Red Cross nga ila ginlapatan sang pagbulong.
Ginakabig naman sang Operation Center nga nangin ‘generally peaceful’ ang pagdumdom sang All Souls kag All Saints Day subong nga tuig.
