Ginakabig sang Iloilo Police Provincial Office (IPPO) nga malinong kag matalunsay ang pagdumdom sang mga Ilonggo sang All Souls’ kag All Saints’ Day subong nga tuig.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga nangin matawhay ang dalagan sang Pista Minatay sa kabug-usan nga probinsya.
Suno kay Araño, sa ila monitoring, wala sang may na-record ang kapulisan sang mga major incidents ukon ano man nga insidente sa tagsa ka patyo sa Iloilo.
Nalipay man ang natungdan sa pagkooperar sang mga pumuluyo sa ila pagsulundan kag security measures.
Majority naman sa mga Ilonggo ang wala nagdala sang mga deadly kag prohibited weapons sa patyo rason man nga wala sang mga insidente nga natabo.
