Kaso nga murder ang ginapangatubang subong sang suspek sa pagpatay sa anay punong barangay sang San Rafael, Tigbauan, Iloilo.
Ini kasunod man sang natigayon na ini nga mapasakaan sang kaso.
Ang biktima amo si Joevani Triste, residente sang nasambit nga lugar.
Samtang ang suspek amo si John Castro Jr.
Sa interview sang Bombo Radyo kay Police Captain Alfred Mansoy, hepe sang Tigbauan Municipal Police Station, iya ginpahayag nga may mga ebidensya pa nga ginahulat ang talatapan nga inog-submit ilabi na ang resulta sang forensic evidence.
Suno kay Mansoy, posible mag-abot ang mga ebidensya subong nga adlaw ukon sa Martes.
Gin-athag man sang hepe nga wala sa gihapon sang ‘warrant of arrest’ ang suspek bangud yara pa sa Iloilo Prosecutor’s Office ang ebidensya.
Nahibaluan nga una na nga naggwa sa imbestigasyon nga posible konektado ang suspek sa isa ka maimpluwensiya nga tawo.
