Pilason ang 51-anyos nga lalaki matapos nga naipit sang salakyan sa atubang sang Molo Church sa Molo, Iloilo City.
Ang biktima amo si Wilfredo Asuncion, residente Calumpang, Molo.
Sa inisyal nga impormasyon sang Bombo Radyo Iloilo, nagsimba ang nasambit nga indibidwal upod ang iya pamilya, kag sang matapos, ginhulat sini ang iya mga kabataan agud magpauli.
Nakaagum sang pilas sa ulo ang biktima kag gilayon ini nga gindala sa The Medical City Hospital kag gindapatan sang nagakaigo nga pagbulong.
Ara naman sa kustodiya sang Iloilo City Police Station 4 ang driver sang amo nga salakyan.
Sa subong, padayon nga ginaimbestigaran sang kapulisan ang nagluntad nga insidente.
