Nagakinahanglan sang boto sang mga Pinoy ang tiglawas sang Pilipinas agud diretso nga makasulod sa semifinals sang Miss International 2024.
Nagasugod na subong ang online voting para sa pageant, kag mahimo gid makabulig ang Filipino pageant fans agud nga may tyansa si Angelica Lopez nga mas makapalapit sa korona.
Mahimo maghatag sang boto kay Angelica paagi sa pagkadto sa Miss International voting website.
Pangitaon ang “Philippines” kag i-click ang star button.
Kada boto ang katumbas sang 1 Euro ukon yara sa P64.
Ang winners diri ang awtomatiko nga makasulod sa semifinal round sang kumpetisyon sa Nobyembre 12 sa Tokyo Dome City Hall sa Japan.
Antes sini, isa sa agaw-atensyon si Angelica sang ginsuksok sini ang “Pearl of the Orient Seas” ensemble sa national costume competition.
Pananglitan magdaog ini sa Tokyo, Japan, ini na ang pang-pito na Miss International crown para sa Pilipinas.
