Gin-ako sang Department of Information and Communications Technology Regional Office VI (DICT) nga apektado ang ila serbisyo sa mga ahensya sang gobyerno bangud sa drainage system project sang Department of Public Works and Highways (DPWH) sa JM Basa Street, Iloilo City Proper.
Sa interview sang Bombo Radyo kay Engineer Christian Lucena, Representative sang Department of Information and Communications Technology Regional Office VI, iya ginpahayag nga nagkoordinar naman sila sa DPWH kon sa diin, nagpasalig ang talatapan nga hatagan sang prayoridad ang pag-locate sang ila cables.
Suno kay Lucena, nahanungod naman sa pag-repair kag rectify sang linya, may yara sila sang separate nga team.
Ginpahayag man sini nga sang na-locate na ang ila cables, mahimo na nga makapadayon ang DPWH sang ila nga proyekto.
Dugang sang natungdan, ang main line sang DICT ang yara gid sa JM Basa Street,rason nga apektado ang halos tunga sang ila network.
