Wala nagtambong ang pito ka mga opisyal sang Office of the Vice President (OVP) sa hearing sang House committee on good government and public accountability kaangot sa paggamit sang budget sang opisina.
Sa position paper, gin-request nanday OVP chief of staff Atty. Zuleika Lopez, Lemuel Ortonio, Atty. Rosalynne Sanchez, Julieta Villadelrey, Gina Acosta, Atty. Sunshine Fajarda, kag Edward Fajarda sa House panel nga i-terminate ang inquiry sa isyu.
Natukiban naman nga nagpadulong na sa Los Angeles, California ang chief of staff sang OVP nga si Atty. Lopez.
Ginpahayag sang mga ini ang ila kinamatarong sa pagbalibad sa imbitasyon, kadungan sang pat-athag nga ang mga officials kag personnel sang OVP ang imbitado nga magtambong santo sa ila kapasidad bilang resource persons.
Dugang pa sang mga officials, ang imbitasyon sang Kamara ang ginpadala sang holiday sang Nobyembre 1 sa diin nabasa lang nila ini sang Nobyembre 4, antes ang hearing.
Gindagdagan naman sang subpoena ad testificandum ang pito ka mga OVP officials.
Sa hearing, gin-athag naman ni Atty. Michael Poa nga indi na siya ang spokesperson sang OVP.
Samtang nagapati naman si Senior Vice Chairperson Rep. Bienvenido Abante, Jr., nga si Vice President Sara Duterte mismo ang nagsugo sa iya mga opisyal nga indi magtambong sa hearing.
