Gin-ako sang City Engineers Office nga nagkoordinar sa ila ang Iloilo City District Engineering Office (ICDEO) antes ginsugodan ang drainage system sa JM Basa Street, City Proper.
Sa interview sang Bombo Radyo kay Engineer Josifie Gaspar sang City Engineers Office, iya ginpahayag nga na-check kag na-verify sang ila talatapan ang proyekto kon sa diin, nag-request man ang ICDEO sang coordination sa Traffic Management Office (TMO).
Suno kay Gaspar, napresentar man sa ila ang mga plano sa amo nga proyekto kon sa diin, ginkasugtan man sang magtimbang nga talatapan.
Ginpahayag man sini nga nakita sang talatapan nga ‘okay’ man ang nangin proposal kag initial plan sa proyekto rason nga naghatag sila sang ‘go’ signal.
