Tuyo ni Iloilo 4th District Board Member Domingo Oso, Jr. nga tuksuon ang pila ka mga opisina sa Sangguniang Panlalawigan may kaangtanan sa problema sa air-condition kag atop sang Iloilo Provincial Capitol.
Sa interview sang Bombo Radyo kay Board Member Oso, iya ginpahayag nga apat ukon lima na ka tuig nga may pondo ang kapitolyo agud nga kaay-uhon ang mga nasambit nga guba sang Provincial Capitol.
Suno kay Oso, may ginpain na nga P50 million nga pondo agud nga igasto kon sa diin, ginprepar antes paman ang COVID-19 Pandemic.
Ginpahayag man sini nga apisar sang may yara na nga pondo, nagasiling ang iban nga mga talatapan nga kulang ang balor nga ginpain.
Para kay Oso, mas kulang ang pagplano sang mga opisina rason nga wala sang may natuman nga pagkaayo.
