Nabutang sa alang-alang ang record sang Los Angeles Lakers sa temprano nga bahin sang regular season matapos nakaangkon sang injury ang isa sa leading stars sini nga si Anthony Davis.
Naglala ang left foot injury ni Davis sa fourth quarter sang hampang sang Lakers batok sa Detroit Pistons sang nagligad nga Martes (Manila time).
Sa amo man nga hampang nakitaan sang maathag nga problema ang depensa sang Lakers nga gintambakan sang Detroit, 115-103, matapos nakontrol sang Pistons ang first half nga may 67 puntos.
Halin sa pagbukas sang season, may three-game winning streak ang Los Angeles apang nalutos sa apat na ka sunod-sunod nga mga hampang apisar sang dalayawon nga opensa nanday Davis kag LeBron James.
Naga-average si Davis sang 32.6 points per game kag may 37 puntos sa ulihi nga hampang batok sa Detroit.
Gin-ako ni Davis nga may nakit-an man ini nga kapaltahan sa ila team nga daw indi sila kilalahay samtang nagahampang kag kinahanglan nila nga islan ini agud nga may lauman man nga maayo subong nga season.
“We’re just two different teams right now,” pahayag sini samtang yara sa Detroit. “One game, we’re this team who showcased it can be one of the better teams in the league. Then the next, we’re this team who — I don’t even know who we are.”
“We’ve just got to be better. We’ve got to put a full 48 (minutes) together, and we can’t continue to do this if we expect to do anything this season,” dugang sini.
9:00 subong nga aga (PHT) magaatubang ang Lakers sa Grizzlies (4-4) sa Tennessee, USA.
