Nagsabat ang Association of Taxi Operators in Panay (ATOP) kaangot sa mga panumbungon sang pila ka pasahero batok sa driver nga nagalain sang ruta agud nga mapasobrahan ang plete.
Sa interview sang Bombo Radyo kay Pefecto Yap, Presidente sang Association of Taxi Operators of Panay, iya ginpahayag nga nagadependi sa sitwasyon sa tunga sang pasahero kag sang driver.
Apang, gintumod sini nga ang taxi driver mismo ang dapat nga magpamangkot sa iya pasahero kon luyag ini nga maglain sang ruta agud nga mapadasig ang ila byahe.
Suno kay Yap, kinahanglan anay sang approval halin sa pasahero antes nga maghimo sang desisyon nga maglain sang ruta ilabi na kon may traffic congestion sa isa ka lugar.
Ginpahayag man sini nga kalkulado na sang pila ka mga taxi drivers ang kalawigon sang traffic rason nga ang iban sa ila ang naga-offer sang alternatibo nga ruta.
