Posible nga may masobra sa piso nga isaka sa presyo sang produktong-petrolyo sa masunod nga semana.
Base sa inisyal nga industry insiders forecast, mahimo magsaka sang P1.85 tubtub P2.05 per liter ang presyo sa diesel.
Ginalantaw naman nga may dugang nga P1.30 tubtub P1.50 per liter sa presyo sang gasolina.
Lakip sa ginalantaw nga rason sang industriya amo ang desisyon sang OPEC+ group nga nagalakip sang Organization of the Petroleum Exporting Countries (OPEC) kag iban nga major oil producers nga i-atrasar ang ginplano nga oil output increases tubtub sa katapusan sang tuig.
Ini ang naga-extend sang buhin sa produksyon tubtub sa Disyembre.
Ini nga announcement sang nagligad nga weekend ang naga-reflect sang desisyon sang Saudi Arabia, Russia, Iraq, the United Arab Emirates, Kuwait, Kazakhstan, Algeria, kag Oman.
May reports nga posible magbalos ang Iran sa Israel sa masunod nga inadlaw rason nga mabutang man sa potensyal nga risgo ang global oil supply.
Bilang isa sa pinakadaku nga oil-producing countries, ang anuman nga disruption sa Iran ang mahimo gid nga maka-trigger sang epekto sa fuel prices sa lain-lain nga parte sang kalibutan.
Sa Lunes, Nobyembre 11, magaguwa ang final price adjustment. Ipatuman ini epektibo sa Martes sang aga.
