Pilason ang isa ka lalaki matapos nga gintripingan-buno sang duha ka mga kalalakihan sa banwa sang Calinog, Iloilo.
Ang biktima amo si Alyas Jan-jan, 33-anyos, residente sang Barangay Alibunan, Calinog, Iloilo.
Ang mga suspek amo sanday Alyas Tantan, 40-anyos, residente sang Brgy. Bayan, Passi City, kag si Alyas Jofel, 31-anyos, sang Barangay Luag, Dueñas, Iloilo.
Sa interview sang Bombo Radyo kay Police Major Miles Dieron, Chief of Police sang Calinog Municipal Police Station, iya ginpahayag nga samtang nagamaneho sang motorsiklo ang biktma agud nga magpauli sa iya ka-live in partner, ginbanggaan ini sang mga suspek.
Suno kay Dieron, pag-abot sang biktima sa isa ka taytay, didto na kag nagluntad ang komosyon sa tunga sang magtimbang nga grupo.
Gilayon naman nga gindala sa Dr. Ricardo S. provido Sr. Memorial Hospital ang biktima agud malapatan sang nagakaigo nga pagbulong.
Sa subong, yara sa kustodiya sang Calinog Police Station ang mga suspek kag ginalantaw naman nga rason sang insidente amo ang hinubog nga pagpang-tripping sang mga suspek.
