Gindumdum ni President Ferdinand ”Bongbong” Marcos Jr. ang ika-11 nga anibersaryo sang Super Typhoon Yolanda, nga nagasiling nga ang gamhanan nga mga leksyon sini ang indi dapat madula sa pagligad sang panahon.
Suno kay Marcos, ang paglantaw sa mga gamhanan nga mga leksyon ukon powerful lessons amo ang pinakamaayo nga paagi sa pagpasidungog sa mga kabuhi nga nadula bangud sa pagsalakay ni Bagyo Yolanda.
Ginpahayag man sang presidente nga ang amo nga kalamidad ang naghatag sang makasaysayan nga leksyon sa mga Filipino nga nagtudlo man agud nga pasangkaron ang disaster response sang Pilipinas.
Nagapati man si Marcos nga dapat pabaskugon sang gobyerno ang pagpanikasog sa pagpahagan-hagan kag pag-adaptar sa mga pagpanghangkat sang climate change agud gilayon nga mabuhinan ang vulnerability sang pungsod sa mga kalamidad.
Nahibaluan nga sang 2013, si Yolanda (international name: Haiyan) nagbilin sang kapin sa 7,000 ka mga tawo nga patay kag nadula.
Naapektuhan man sini ang masobra 16 million ka tawo ukon 3 million ka pamilya sa bug-os nga pungsod.
