Ginakabig ni Iloilo Governor Arthur “Toto” Defensor, Jr. nga isa ka abyan ang kagawad nga gintiro-patay sa San Rafael, Tigbauan, Iloilo.
Ang biktima sa insidente amo si Joevani Triste, residente sang nasambit nga lugar; samtang ang suspek naman amo si John Castro Jr.
Sa interview sang Bombo Radyo kay Governor Defensor, iya ginpahayag nga nakaupod niya si Triste sa pagserbisyo sa pumuluyo kon sa diin, nakaupod man sini ang amay sang gobernador nga si Former Iloilo Governor Arthur Defensor, Sr.
Personal man nga nagpadulong si Defensor sa puluy-an ni Triste agud nga maghatag sang respeto kag kahigayunan nga makamusta ang pamilya Triste.
Nakipagdayalogo naman ang gobernador sa opisyal sang amo nga barangay agud nga magkoordinar man sa Iloilo Police Provincial Office (IPPO) kag mapasiguro nga safe ang mga residente.
Nagpasalig naman ang natungdan sang madasig nga pagresolba sang kaso.
