Nagpanugyan ang public health expert sa publiko nga amligan ang panit kag likawan ang tuman nga exposure sa adlaw agud nga makalikaw sa balatian nga skin cancer.
Sa interview sang Bombo Radyo kay Dr. Alfebey Lozada Monarca-Abonado, Otorhinologist, iya ginpahayag nga ang nagasuprer sang skin cancer ang pisikal nga makit-an nga may bukol apang masami nga ma-ekspersyahan ang pag-itom sang porsyon sang panit.
Suno kay Abonado, kon manotisyaran ang nasambit nga sintomas, gilayon nga magpa-checkup agud indi na ini maglala.
Gin-athag man sini nga may nagkalain-lain nga sintomas ang amo nga balatian, kon sa diin, mahimo ini nga nagakapilas kag ang mas malala diri, nagadugo.
Santo naman sa pagtuon, nahibaluan nga isa sa mga sahi sang skin cancer nga masami ginasuprer sang pila ka indibidwal, amo ang Basal cell carcinoma nga masami man nga nagatubo sa may maputi nga panit.
