Wala sa gihapon makapasa ang lima ka mga Local Government Unit(s) (LGU) kag isa ka component city sang Iloilo sang ila dokumento ukon requirements agud nga makabaton ang ila barangay tanod sang 2023 incentives.
Sa interview sang Bombo Radyo kay Iloilo Board Member June Mondejar, Chairman, Committee on Public Order and Security -Sangguniang Panlalawigan, iya ginpahayag nga kon naproseso na nga daan sang lima ka mga banwa ang rekisitos, Disyembre 2023 pa lang kontani, nabaton na nila ang nga financial assitance.
Suno kay Mondejar, santo sa record sang Provincial Treasurer Office, 18 pa lang ka mga banwa ang nahatagan incentives, samtang 19 naman ang ‘on process’ ukon padayon nga ginaproseso tubtob subong.
Ginpahayag man sini nga lakip sa lima ka mga munisipalidad ang wala nakapasa sang requirements amo ang: Alimodian, Guimbal, Leganes, Pototan, kag San Miguel.
Lakip man sa wala nakapasa ang component city sang probinsya nga Passi City.
Ginpangabay man sang natungdan ang Liga ng mga Barangay President sang nasambit nga mga banwa, nga i-proseso ang mga dokumento agud gilayon nga mahatag ang financial assistance sang ila nasakopan nga mga barangay tanod.
