𝗜𝗟𝗢𝗜𝗟𝗢 – Nagasinggitan sang hustisya ang pamilya sang mag-asawa kag sa ila anak nga ginbungguan-patay sang pick-up truck sa Barangay Canas, San Dionisio, Iloilo.
Ang mga biktima amo sanday Artemio Arabe, 64, Rosemarie Asupra, 58 kag ila anak nga si Angelie, 15, lunsay residente sang Barangay Cubay, San Dionisio, Iloilo.
Ang driver naman sang pick-up truck amo si alias Tomy Clarito, 26-anyos nga negosyante kag residente sang Calinog, Iloilo.
Sa interview sang Bombo Radyo kay Melinda Dejoro, utod ni Rosemarie Asupra, iya ginpahayag nga masakit para sa ila ang natabo.
Apang ang mas masakit pa suno sa natungdan amo nga nakagwa ang suspek apisar nga wala pa naathagan ang kaso.
Ginpanawagan man sini sa publiko nga likawan ang paghusgar sa ila pamilya kag pagtawag sa mga ini nga bayaran.
