Lakip sa mga nadakpan ang ginapahayag utod sang isa ka Sangguniang Bayan Member sa Quinto Distrito matapos nga nagpatigayon sang entrapment operation ang Criminal Investigation and Detection Group (CIDG) sa Estancia, Iloilo.
Ini matapos nga nakuhaan ang anom ka mga indibidwal sang apat ka de-kalibre nga armas-luthang.
Sa interview sang Bombo Radyo kay Police Lieutenant Marlon Ayson, Assistant Provincial Cheif sang CIDG Iloilo-Guimaras, iya ginpahayag nga ang anom ka mga nagkaladakpan ang mga may previous record sa kapulisan.
Suno kay Ayson, na-rekober man sa mga suspek ang isa ka salakyan, isa ka tricycle, kag duha ka mga motor nga gingamit sa ila transaksyon.
Ginbuyagyag man sang natungdan nga ang target nga customer sang mga suspek amo ang mga pulitiko, rason nga nagpakuno-kuno man siya nga poseur buyer nga SB member agud nga kadton ini sang mga nadakpan.
Ginlaragway man sini nga indi ‘lahog-lahog’ nga mga tawo ang nadakpan bangud maayo sila magbaylo-baylo sang adlaw sang ila transakyon agud nga indi madakpan.
