Ginkalipay ni Iloilo City Councilor Urminico “Nick” Baronda ang pagpasiguro ni Iloilo City Councilor Sedfrey Cabaluna nga mangin kabahin siya sang mga pre-session sang Iloilo City Council.
Ini kasunod man sa indi pag-imbitar kay Baronda sa pila ka mga pre-session sang konseho.
Sa interview sang Bombo Radyo kay Councilor Baronda, iya ginpakigbahin nga nagapasalamat siya sa pa-recognize kag sa pagpasalig ni Councilor Cabaluna sa iya nga mangin parte sang importante nga session.
Suno kay Baronda, sugod sang ginkaksan siya sang chairmanship sa komitiba sang city council, wala na siya naimbitar agud nga magtambong sang mga pre-session.
Apang, apisar sang natabo, ginpakigbahin sang city councilor nga nagabasa siya sa gihapon sang agenda agud nga maka-share man siya sa session sang iya hinun-anon.
