Gindayaw ni Senator Francis Tolentino, Senate Majority Leader, ang mga transport cooperatives sa Western Visayas kadungan sang labing una nga transport summit nga ginhiwat sa Iloilo City.
Sa interview sang Bombo Radyo kay Senator Tolentino, iya ginpahayag nga tuman ka organisado ang mga kooperatiba sa Rehiyon 6.
Suno sa senador, naga-upod siya sa padayon nga pag-umwad sang sektor sang transportasyon sa Pilipinas.
“I am here, not just as supporter ng transport sector but I am here to reaffirm my support to your growth,” pahayag pa niya samtang naga-deliver sang speech sa atubang sang mga operators kag drivers.
Samtang ginpasalamatan naman ni Department of Transportation Secretary Jaime Bautista si Senator Tolentino bangud sa pagsuporta sini sa budget sang ahensya.
