Igapatuman sang Land Transportation Office (LTO) Region 6 ang hugot nga pagpangdakop sa motorcycle riders ukon angkas riders nga wala sang prangkisa.
Sa interview sang Bombo Radyo kay Atty. Gaudioso Geduspan, Director sang Land Transportation Office Region 6, iya ginpahayag nga ang tikang ang magasiguro man sa safety kag seguridad sang mga pasahero nga masami nagasakay sa motorcycle riders.
Suno kay Geduspan, indi gid malikawan nga ang iban nga rider ang barumbado nga mahimo makatuga sang disgrasya, rason man nga sekyaron sang talatapan ang pagbantay sa mga rider kon sila ang may prangkisa halin sa Land Transportation Franchising and Regulatory Board (LTFRB).
Gintawgan naman sang talatapan ang LTFRB agud nga matumod ang tagsa ka driver kon sila ang rehistrado.
Gin-ako man sang natungdan nga kinahanglan nga mag-doble sila sang effort bangud kon may insidente, masami sila nga mabasolan.
Nagpanugyan naman ang LTO sa riders magkadto sila sa LTFRB agud mag-inquire agud nga makaparehistro.
