Ginpangunahan ni former Ilocos Sur Governor Chavit Singson ang paglunsar sang e-jeep initiative sa Iloilo, nga nagapakilala sang mga electric jeepneys sa mga transport cooperative kag mga korporasyon nga interesado sa pag-angkon sang mga yunit.
Sa interview sang Bombo Radyo kay former Gov. Singson, iya ginpahayag nga ang inisyatibo sang tikang amo ang magpautang sa mga driver ukon operators sang electric jeepneys nga wala sang interes kag wala man sang down payment.
Suno kay Singson, lakip man sa transportasyon nga igalunsar amo ang electric motorcycles kag tricycle.
Nagpasalig man ang natungdan nga mangin positibo ang resulta sang amo nga proyekto sa bulig man sang iya mga transport manufacturer sa luwas sang pungsod.
Nagalaum man si Singson nga makabulig hatag sang trabaho sa mga transport cooperative kag ligwa para sa mga pasahero ang e-jeep initiative.
